【老／神物新睇】龙係唔死嘅——1/6 Enterbay N96《死亡遊戲》回顧

（寫在前面），一提起12寸嘅李小龍人偶，我第一時間就諗起Enterbay出品嘅李小龍系列，畢竟EB早年係靠李小龍起家，創辦人Bill都係李小龍嘅狂熱粉絲。雖然Hottoys都出過兩款李小龍人偶，但無奈《龍爭虎鬥》版本嘅面雕過度美化，反而唔似李小龍。而之後嘅微笑版本同埋西裝版本嘅龍哥，雖然有金大師（Arnie Kim）親自操刀，但感覺上作品似乎未完全用心。所以，同EB相比（唔講EB早期嘅塗裝問題，因為EB嘅塗裝同HT比實在太差），我更加鐘意EB出嘅龍哥。

因為金大師對作品完全付出，加埋Bill嘅熱情，嗰啲年出品嘅龍哥人偶喺型、神韻方面真係將龍哥嘅特徵拿捏得好好。其中我最鐘意嘅其實係當年聯名諾基亞出品嘅《死亡遊戲》版本李小龍，俗稱N96。一方面，《死亡遊戲》我覺得係李小龍展現佢武道哲學思想嘅完美作品，雖然呢部作品龍哥只完成咗三分之一，但睇嗰三四十分鐘嘅打鬥片段，我覺得已經好完美。第二點係N96嘅龍哥面雕非常有大師風範，會俾人一種若有所思同深邃嘅感覺。

因為呢款係當時限量產品，加上已經過咗十幾年，市面上越嚟越少，全新嘅價錢都好貴，好難搵到。最近好有幸收到咗一隻，非常開心，雖然因為年代久遠，包裝盒已經冇咗，替換手型同地台都冇，淨係得個主體。但我收到之後真係好開心同滿意，瑕不掩瑜。Any way，就等我哋一齊重溫呢款經典嘅龍哥啦

“Empty your mind, be formless, shapeless — like water. Now you put water into a cup, it becomes the cup; you put water into a bottle, it becomes the bottle; you put it in a teapot, it becomes the teapot. Now water can flow or it can crash. Be water, my friend.” -----Bruce Lee